Ua silia nei i le lua masina talu ona aumai le faai’uga a le Faamasinoga Maualuga, na faalēaogā ai le tagi o se su a lē sa avea ma Loia Sili, le afioga Savalenoa Mareva Betham Annandale.

Peitai o le vaiaso nei na valaau ai i le Faamasinoga Sili le talosaga a Savalenoa Mareva ua na toe lu’i pe apili ai lea faai’uga na poloa’ina ai na te totogi le 5 afe tālā i le tamaitai Palemia le afioga Fiame Naomi Mataafa sa ia molia i lana su, ona o le faamutaina o lona taimi galue i le tofiga Loia Sili a le Malo.

O le Aso Gafua a sau e toe fofogaina ai le talosaga apili, ona e iai vaega o loo fia faamautū mai le Loia Sili o loo faasaga iai le talosaga mo le toe iloiloina o le faai’uga na fofogaina i le masina o Iulai o le tausaga nei.