Ua toe faaauau nei le polokalame ofo fua a Ausetalia mo le atunuu poo le Australian Volunteers Program i le taunuu ai i Samoa o se tamaitai tomai faapitoa i tulaga o le Soifua Mālōlōina ia Jennifer Rodger.  

O lenei tamaitai o le a galue mo Samoa i lalo o le Matagaluega o le Soifua Mālōlōina i le vaega o le Climate Change and Health Unit. O Jennifer o le uluai sui lea o Ausetalia ua i le atunuu i lalo o lea polokalame talu ona tapunia tuaoi o Samoa ona o le Koviti-19. 

O le a galulue soosoo tau’au lea tamaitai ma le Faatonu o le vaega o Climate Change and Health Unit ia Victoria Ieremia-Faasili ma le faamoemoe ia mafai ona galulue faatasi e saili galuega e Puipuia mai ai le Soifua Mālōlōina o tagata o le atunuu ma tulai mai fesuia’iga ogaoga o le tau. 

Ta’ua e le su’i Ofisa Sili o le Matagaluega Dr Glenn Atoa Fatupaito o se avanoa lelei o le a galulue faatasi ai le vaega o climate Change and Health Unit a Samoa ma le sui mai Ausetalia ona ua matauina le tele o le aafiaga o le Pasefika i suiga o le tau ua iai nei. 

O le polokalame lea a Ausetalia ua tele lona aogā i le fesoasoani lea i le tele o vaega e moomia ai e le atunuu le fesoasoani.