E to’alua alii ma se tamaitai ua tuua’ia i le faagaioia o se maliega e faatau ai fualaau faasāina o le cocaine i totonu o le itu i Sisifo o Sini.
O i latou ia o se alii e 38 tausaga, o le isi alii e 24 tausaga ma le tamaitai e 37 tausaga na pu’e i le vaiaso nei i Dulwich Hill i se vaega o le su’esu’ega a leoleo i le sapalai o fualaau faasāina i luga o auala ma le faatauina o fualaau faasāina i Sini.
Fai mai o le pu’eina o i latou ia na toe maua iai ma le afa kilo o le cocaine ua teu i totonu o ni ato ma e ono oo lona tau i le $200,000.
Na sailia e leoleo fale i Dulwich Hill ma Erskineville ma se nofoaga teuoloa i Waterloo.
Na maua iai le 1.2 kilo o le MDMA, 5.1kilo o le THC Gummies, 400 LSD ma le 1.6 kilo o laau faasāina.
Fai mai o se tau e ono faatauina ai ia fualaau faasāina e oo atu i le $650 afe.
O le asō e tutula’i ai i le faamasinoga i latou uma e to’atolu.
Puna o Faamatalaga: https://www.9news.com.au/national/sydney-inner-west-alleged-drug-dealers-charged-after-bust-dulwich-hill/33eec745-eb1f-4409-a261-86fafff0f31b
