Na tula’i mai se faalavelave tau taavale i Lake Road/Pearn Crescent in North Shore i le tusa o le 8am i le taeao analeila, lea na faavave atu iai auaunaga mo faalavelave faafuase’i.
Na ta’ua e se sui sooupu mai le Hato Hone St John, e lua taavale a le falema’i na faavave atu i le vaipanoa na tupu ai le faalavelave ma e to’atolu ni tagata na maua atu o aafia ai.
E to’atasi na faavave atu i le falema’i i Middlemore i ni manu’aga ogaoga, ae o le isi to’alua e manu’a mitimiti ma na auina atu i le falema’i i North Shore.
Na oo atu foi iai le vaega a le tineimū mai Takapuna ma Birkenhead.
Ta’ua e le sooupu, na taunuu atu ma iloa ai e lē o iai se tasi o mau ai totonu o taavale pe o faafaigatā ona aveese mai i fafo, o lea na tuu ai loa i le St John ma leoleo e latou te vaaia ma māta’itū lea faalavelave.
O le taimi nei, e le’i iai se isi faamatalaga mai leoleo e tusa o lenei faalavelave.
Puna o Faamatalaga: https://www.1news.co.nz/2026/03/19/three-injured-in-crash-on-aucklands-north-shore/
