E toatolu tagata ua feagai nei ma moliaga i le maea ai o nisi o mataupu e aofia ai le solia o aiaiga ole koviti 19 e aofia ai se alii mai Aukilani o loo tuuaia i le malaga ane i le taavale i Hamilton e aunoa ma se faatagana (exemption).
E 32 tausaga o lea alii mai Flat Bush ua feagai ma moliaga e lua i lalo o le Covid 19 Public Health Response Act. O loo fetauaina na malaga mai mai Aukilani i Hamilton ile taavale ae alofia le southern border lata i Mercer aemaise na te le’i tuuina ane se faatagana mo femalagaaiga ilea so 23 o Oketopa.
O le moliaga lea e iai lona faasalaga e oo atu ile 6 masina ile falepuipui pe salatupe e $4,000. I isi tala ole faamai, e 55 tausaga ose tamaitai mai Bay of Plenty o loo feagai ma moliaga o le tetee ile pueina o ia ma le le usitaia o poloaiga o le koviti ina ua ui atu i le checkpoint a leoleo.
O lea mataupu na tupu ile Aso 22 o Oketopa i Whakatiwai. E oo atu ile ono masina foi e falepuipui ai faasalaga o tulaga faapea pe totogi le salatupe e $4,000. O isi ua molia ua fuafua e tutulai i le faamasinoga faaitumalo i Hamilton ile aso.
