Na faate’ia le to’atele i faaitu e lata ane i Rotorua i le tula’i mai o se faalavelave mata’utia, ina ua feto’ai ni taavale se lua; o le isi o se taavale i lona ituaiga o le minivan.
Faamauina le tupu tonu lava o le lavea i Lake Rotomā ma e faapea poo le ta tonu o le itula e 10 i le po o le Aso Tofi o le vaiaso nei na tupu ai le faalavelave.
E oo atu i le to’a sefulu ma le lua (12) tagata na aafia i lea faalavelave, ma na māua le avatu ai i le tele o falema’i i North Island.
Ta’ua i lipoti mai le leitio faavaomalo o Niu Sila (RNZ) na tali atu sui o le Fire & Emergency mai Rotomā ma nisi o sui mai Kawerau e fesoasoani atu lea i le galuega; aemaise o sui o St John.
Māua e ono taavale a le falema’i poo ambulance, e 2 helikopa ma se vaega o fesoasoani muamua rapid response unit, e to’alua sui faatonutonu o luga o auala tetele, faapea sui o tagata lagolago i le galuega poo le incident support unit.
E ui ina aafia tagata i lea lavea tele, ae o le itu na faafetai ai sui o faalavelave tutupu faafuase’i o le leai o se tasi na oo i se tulaga o le lē mafai ona aumai i fafo, ae na sao uma mai i latou i fafo ma avatu i falema’i.
Māua o le tasi o tagata na aafia, na iai i se tulaga tigāina na avatu ai i le helikopa ina ia faanatinati ona tuuina atu o ia i le falema’i i Wikato ae o le isi e faapea e ogaoga ona manu’aga na avatu i le isi helikopa aga’i i le maota gasegase i Tauranga.
O le isi to’aiva o tagata na aafia e faamauina e manu’a mitimiti.
O le to’afitu o i latou nei na avatu i le falema’i i Rotorua Hospital ae o le to’alua na avatu i Whakatāne Hospital ma le to’atasi na aafia tele i le lavea sa avatu i Rotorua Hospital mo iloiloga.
Puna o Faamatalaga: https://www.rnz.co.nz/news/national/582243/dozen-injured-in-major-state-highway-30-crash-at-lake-rotoma
