Ua toatele tina ma tamaitai Pasefika ua filifilia nei e avea ma ta’ita’i peitai o loo fetaia’i pea ma lu’itau o faiga faailogatagata.
O lipoti fou e sau mai le faletupe a le Asia Development Bank ma ana suesuega lea o loo lomia ai ua alu i luga i le 5% le fuainumera o tina ma tamaitai Pasefika ua avea nei ma ta’ita’i, ma o le va o le 2021 lea e iai le 21% ma le 26% lea ua faamauina i le tausaga nei.
O lea o loo molimauina i atunuu e iai Kiribati, le Atu Kuki, Samoa ma Tuvalu e pei ona iai le toatele ua avea ma Faatonusili ma Pule Sili i le maketi o pisinisi, peitai o Fiti ma Papua Niu Kini lea lava e lei ausia lea maualuga.
O lea suesuega na fesiligia ai tina ma tamaitai o loo ta’ita’i i totonu o le 14 atunuu Pasefika, ma mai le ‘afa o i latou na fesiligia ua faaali finagalo o lea lava e feagai ma faiga faailogatagata ona o i latou o tina ma tamaitai.
O le lipoti lava foi lenei e tasi o loo lomia ai o le iai o tina ma tamaitai i totonu o le saofa’iga a ta’ita’i o se kamupani, o le manuia ma polofiti.
Puna o Faamatalaga: Women in business leadership make gains but disparities persist in the Pacific | RNZ News
