E 170 le aofai o avanoa faigaluega o le a aveesea e le SkyTV mai lana aufaigaluega i Niu Sila nei ina ua faamaonia o le a faamatuu atu nisi galuega i atunuu i fafo e pei o Initia ma le Atu Filipino.

Ta’ua i le One News se faamatalaga mai le TV e 200 avanoa faigaluega ua faatulaga nei i le atu Filipino e feagai ma mataupu a tagata e uiga i le auaunaga ae faatumau pea avanoa e 100 i Niu Sila nei mo isi mataupu.

O le faamatalaga mai le Ofisa Sili o le Sky, Sophie Moloney ua ta’ua ai o lona uiga o lea faaiuga ua 40 pasene ua faamalosia atili ai le tulaga o auaunaga sa faia i paaga a le TV i lona tuuaofaiga.

Fai mai a ia e ui o loo fiafia i le tulaga ua iai suiga ia ua faia ma aafiaga o le a iai i le auaunaga ae e le o faagaloina foi ia i latou aafiaga o le a iai i nai tagata faigaluega ua aafia i avanoa ua aveesea ma o loo galulue nei ma i latou ia e ofoina iai le fesoasoani i le sailia o nisi galuega auā le agai atu i le lumanai.

Fai mai o le vaegatupe e faaalu i le faamutaina o ia avanoa pe a ma le 6 miliona ae o le a faasaoina mai ai le tusa ma le 6 miliona i le tausaga amata atu i le tausaga faaletupe o muamua.