E tusa ma le 90,000 isi tagata Niu Sila o le a agavaa i legal aid poo fesoasoani nei mo tagata e lē gafatia le tau e totogi mo se loia. 
Mai le minisita fou o faamasinoga ananafi Kiritapu Allan o nei tagata faaopoopo o le a amata agavaa ai mai ia Ianuari o le tausaga fou. 

O se fesoasoani o loo faatupe mai le $149 miliona na sau mai le paketi o lenei tausaga ma o le a siitia i le 15% tagata agavaa fua i tupe maua, aveesea tului o loo totogi toe aveese ma le $50 o loo totogi. 

O ni suiga o le a fesoasoani tele i le agavaa o aiga e maualalalo tupe maua ma faaitiitia ai aitalafu ona o le tau e totogi mo le faatalosagaina o nei fesoasoani. 

Ese mai i suiga mo tagata agavaa mai ia Ianuari, o le aso muamua foi o Iulai o le tausaga fou lava o le a sii ai i le 12% totogi i le itula mo loia.