Fruit Picker

Toatele nisi na aafia i se faiga tau faavalea mo avanoa i galuega faavaitaimi

E lata i le to’a 20 tagata na aafia i se faiga taufaavalea e se tasi poo nisi e faafoliga e galulue i le saili o avanoa mo galuega faavaitaimi i atunuu i fafo. 

Na ripotia e le Samoa Observer faatoa iloa e nei tagata na aafia e lē moni nei avanoa ina ua taunuu atu i le malae vaalele i Faleolo i le Aso Lua 28 o Setema e leai se malaga e agai ai i atunuu i fafo.

Na faamaonia e sui o le matagaluega lenei faiga taufaavalea ina ua fesiligia e Ofisa faasalalau ma faapea e tele tupe na totogi ai e i latou na aafia le tagata o loo faia gei gaioiga le alofa ma pepelo e maua avanoa i galuega faavaitaimi mo i latou.

O loo faia se suesuega a le Matagaluega o Pisinisi Alamanuia ma Leipa i lea mataupu ina ua ripotia atu i le Ofisa ma agai tua sui o le matagaluega e fai sailiiliga. Na muamua agai i Lotopa o le nofoaga o loo masalomia o loo nofo ai le tagata tau faavalea ona o faamatalaga mai tagata na aafia.

O se ulugalii ma se alii ua tele tuuaiga na molia ai (criminal conviction) na faamaonia e i latou na aafia lea sa faia nei gaioiga ma ripotia atu loa i le Ofisa .

E le’i Manuia taumafaiga mo se faamatalaga Mai le Ofisa Sili o le Matagaluega o Alamanuia ma Leipa afioga Pulotu Lyndon Chu Ling, ae ma taua e le alii Minisita Leatinuu Wayne Sooialo e le’i iai sona silafia o lea mataupu ina ua fesiligia.

O loo faaauau pea suesuega i lea mataupu ma saili i latou ua faia nei uiga tau faavalea i le mamalu o le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required