Faitau afe tagata Niu Sila e maliliu i tausaga taitasi ua maua i suesuega e mafua mai i kasa oona mai taavale. 

Mai uluai suesuega o le aafiaga o le nitrogen dioxide poo le kasa mai taavale, na maua ai e tusa ma le 3,300 tagata maliliu i le tausaga e mafua ona o kasa oona, ma o le tele o nei kasa e mai taavale. 

I le aotelega e tusa lea ma le 10% o tagata maliliu i le tausaga i totonu o le atunuu e maliliu ona o le aafiaga o le ea. 
O ni aafiaga tau le soifua maloloina na faaalu ai le tusa ma le $15.6 piliona. 

O ni faai’uga ua faate’ia ai i latou na faia lenei suesuega, ma i faamaumauga o aafiaga i tausaga ua alu ua maua ai o loo alualu pea i luga le to’atele o tagata e aafia atoa ai ma tupe faaalu a le atunuu. 

O faamaumauga na faaaogā mo le suesuega e mai le tausaga e 2016, ma mai le minisita lagolago o le siosiomaga, Phil Twyford o le taimi lea e le’i tulai mai le Labour i le faigamalo.