O le tasi vae tolu o cases o le Koviti o loo iai nei o fanau iti ma tupulaga talavou

O le saunoaga lea mai le faatonu o le soifua maloloina, Dr Ashley Bloomfield ao fofoga mai ai ripoti masani o le Koviti ananafi

14.4% o cases o loo iai o fanau e I lalo o le 9 tausaga le matutua ma le 17.4% o I latou mai le 10 I le 19 tausaga le matutua

Ua toe sau ai ma le faamanatu I le faataua o le faia o tui o fanau, ma o le toatele lava o matua o loo ave fanau I fale talavai lata ane poo le fomai faaleaiga e faia ai o latou tui

O le lona iva lenei o vaiaso talu ona muai maua le Omicron I Niu Sila ma o lea ua tele ina maua solo mai cases mai soo se vaega o le atunuu ma ua foliga mai ua faasolosolo atu I saute le malosi o lona pipisi