Ua faamauina i se lipoti fou a le Matāgaluega o A’oa’oga le maualuga o le numera o fanau a’oga i Niu Sila nei ua aga’i i atunuu i fafo i le mae’a ai o a latou a’oa’oga.
Ma o le to’atele o nei fanau a’oga o i latou o loo faamauina e maoa’e a latou taumafaiga ma tulaga e ausia i su’ega a le NCEA.
I faamaumauga a le Matāgaluega, o loo ta’ua ai, i le tausaga 2023, o le 6 pasene o i latou na aupito i maualuga ma lelei i le NCEA na malaga ese atu ma le atunuu i le 2024, o se pasene ma se numera tele lea pe a faatustusa atu i faamaumauga o le 15 tausaga ua tuana’i.
E ui e lē o manino mai le aofa’iga tonu o fanau ua lesitala i Iunivesite i fafo, ae e talitonu le matāgaluega, o le to’atele ua aga’i mo nisi o a’oa’oga maualuluga i atunuu i fafo, aemaise Ausetalia ma Amerika.
Ua ta’ua e nisi o faia’oga ma mātua, ua tele ina lilifa manatu o le to’atele o fanau i le maoa’e ma le lelei o avanoa faalea’oa’oga e maua atu i atunuu i fafo nai lo o Niu Sila.
Ua faaalia foi popolega o nisi o mātua ma faia’oga, i le ono pa’ū maualalo ai o le faatuatuaga i iunivesite o le atunuu, ma i’u ai ina avea ma faafitauli tumau, o le aga’i ese ma toesea ai ma Niu Sila, le to’atele o fanau e iai agavaa, taleni ma tomai.
Puna o Faamatalaga: https://www.rnz.co.nz/news/national/559899/more-high-achieving-teens-heading-overseas-after-finishing-school
