Ua faamaonia mai e toatasi le tagata ua maliu ma le toaono o loo manunu’a i le faalavelave na tupu i Central West i Niu Sa Uelese i le afiafi ananafi, fai mai o se loli tele sa iai i totonu manu papalagi na feto’ai ma nisi taavale i luga o le Newell Highway pe ā ma le 10 km mai le faaitu o Peak Hill ma o le faalavelave na tupu poo le tea laitiiti o le lima i le afiafi.
O le pasese e toatasi mai se tasi o taavale na aafia, o ia lea ua faamaonia ua maliu ae togafitia ai e paramedics isi tagata e toaono a o lei aveina atu i falemai.
Sa tapunia ai le auala lea i itu uma e lua a o faia le suesuega ma galuega fesoasoani.
Fai mai ua oo i le 160 tagata ua ma’umau soifua i luga o auala a NSW i le tausaga lenei 2024 ae e lei mae’a.
Puna o Faamatalaga: https://7news.com.au/news/cattle-truck-and-four-wheel-drive-in-fatal-crash-on-newell-hwy-in-peak-hill-nsw-c-14976053
