Covid 19 positive

Toatasi ua aafia ile koviti i Melepone

Tala mulimuli ole alii mai Melepone lea ua aafia I le koviti 19, ua faailoa I lipoti ile taeao nei sa ono fesootai ma le f aitau selau o pasese a le train ile maea ai o taaloga I le faaiuga o le vaiaso , I le aso faraile ma o loo Iloilo nei e le matagaluega o le soifua maloloina nisi o ata mai le CCTV.

O pasese mai se faigamalaga ale Jetstar mai Ausetalia I Saute agai mai I Victoria lea o loo fautuaina foi pasese ina ia faia siaki o le koviti. Ole faigamalaga JQ 771 a le Jetstar ilea so 4 o Me. Fai mai e toa 100 le aofai o le pasese ma o isi o nei pasese ua agai atu I nisi setete o Ausetalia.

O loo Iloilo ata mai le cctv ile maea o le taaloga a Richmond ma Geelong I le AFL ma le taimi na agai ane ai le tagata lea I le train. O nisi lipoti o loo taua ai le masalomia na maua ao faanofoesea I se faletalimalo I Adelaide.

O ananafi na faalauiloa ai e le soifua maloloina o se alii pe a male 30 tausaga sa toe foi mai talu ai nei I Ausetalia mai atunuu I fafo ma faanofoesea ai I se faletalimalo I Ausetalia I saute, na malaga ane I Victoria ma toe foi I lona aiga I Wollert I le itu I matu o Melepone ile aso 4 o Me ae fa aso mulimuli ane faalogoina auga o le koviti.

Faia ai loa ma le siaki ma faamaonia ai le aafia. O nisi nofoaga na agai iai e aofia ai le Woolworths, train agai mai le taulaga ma se faleaiga Initia ma se kalapu I le aai. O loo faamautu pea faamaumauga I le taimi nei.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required