E toatasi se tagata na lipotia mai na manu’a tigaina ina ua lavea se taavale i Aukilani i Saute i le po anapo.
O fesoasoani faavavave na agai ane i le nofoaga na tulai mai ai le faalavelave, i Murphys Rd i Flat Bush pe tusa ma le tea o le 10.
I lipoti a le Newshub, na vaaia le isi taavale na aafia i le faalavelave i luma o se tasi o fale, ma na vaaia o loo omia ona o se pa ae o le isi taaavale na vaaia i luga o le alatele o loo faaleagaina le pito i luma.
O le taimi nei o loo faia le suesuega a leoleo ae ta’ua e toatasi na avatu i le falemai ona e fai sina tigaina i manu’aga.
Ma o loo faamauina le moomia ai e leoleo nisi e silafia ni faamatalaga i lenei faalavelave.
Puna o Faamatalaga: https://www.newshub.co.nz/home/new-zealand/2024/04/car-crashes-through-auckland-property-after-two-vehicle-crash-person-seriously-injured.html
