E toaono malu o le malo poo leoleo o loo ile falemai I le taimi nei mo togafitiga ona o le latou taumafaiga e laveai ni tagata se toatolu mai se fale na mu I le itu I sisifo tutotonu o Sini.
Poo le ta o le 9 ile taeao analeila na logoina ai le fesoasoani faavavave ile fale lea I Arundel St I Glebe, totonu o le taulaga o Sini ma ao lei taunuu atu le tineimu, sa ulufale nisi o malu ole malo itotonu ole fale e laveai mai tagata e toatolu sa iai.
O le falemai lata ane le Royal Prince Alfred na faavave atu iai nai malu o le malo mo togafitiga ina ua manavaina le asu ma isi manuaga mai le afi. E oo mai I le taimi nei o loo galulue ai leoleo suesue I le tau faamautuina o le mafuaaga ole afi.
