Ua faamaonia mai e le Tamaitai Komesina lagolago ia Papalii Monalisa Keti i nisi o ofisa faasalalau le maliliu ai o se tamā 60 tausaga ma lona atalii 18 tausaga mai Fogapoa i Savaii ma o loo masalomia na maliliu ona o se laau malosi.
O se alii 50 tausaga le matua ua taofia nei ma suesueina e leoleo o loo masalomia o ia na ia faaoo le oti.
Na ta’ua e le Tamaitai Komesina Lagolago na agai atu lava lē o loo masalomia na faaoo le maliu i le tamā ma lona atalii ma faailoa atu ia i leoleo ma le mea na tupu.
Ua faailoa foi o loo masalomia o se mataupu i se feeseesea’iga tau fanua na mafua ai le faalavelave.
O loo ua faatino nei su’esu’ega a leoleo i le Ofisa i Tuasivi i lea mataupu. Ua faamaonia mai foi o le alii na oo atu na ta’utino o ia na faatupu le faalavelave o le a iai pea i lalo o le vaaiga a leoleo a o faaauau ai a latou su’esu’ega
