E toalua tina matutua ua silia i le tai 80 tausaga o le soifua ua aafia i āuga o le Koviti-19 ma ua faanofoesea ai mo le puipuiga o isi matua tausi o loo faamautu i le nofoaga o tagata matutua i Mapuifagalele.
Ua faailoa e le tamaitai Sa pule o le mafuaaga lea o le fautuaina o le atunuu o loo autovaa atu i le nofoaga e tausisia auala o puipuiga e pei o le faia o punifofoga.
Na faailoa e le tamaitai Sa pule le aafia o ia matua tausi e toalua i auga o le koviti, ina ua afea le nofoaga e nisi o tusitala mo le molimauina o le foai tupe e 25 afe mo le nofoaga.
O le vaiaso nei na faailoa ai e le matagaluega o le soifua maloloina ia latou faamaumauga i le fitu aso ua tuanai e 32 le aofaiga o tagata i le atunuu ua maua i auga o le faamai Koviti-19.
