E 25 tausaga ole alii lea ua pueina nei e leoleo I le faalavelave na tulai mai I le po anapo na maliliu ai tamaiti e toalua ma leisi toatolu o loo manunua.
Ole faalavelave na tulai mai I le itu sisifo tutototnu o Niu Sau Uelese na valaau ane ai le fesoasoani faavavave I Warne Street ile pitonuu o Wellington ile afiafi ananafi. Lipotia mai e faapea e toalima tagata ua manunua ise faalavelave na lavevea ai ise taavale na saosaoa atu I lea faaitu.
Fai mai leoleo e toatasi le tamaitai e 34 tausaga ma le toafa o tamaiti mai le ono tausaga, 7 tausaga, 9 tausaga ma le 10 tausaga na savavali ane I autafa o le auala ile taimi na tupu ai le faalavelave.
O loo faailoa I le lipoti I le taeao nei o le tamaititi e ono tausaga ma le fitu tausaga lea ua lipotia ua maliliu, ole tamaitai na auina atu I le falemai I Westmead e pei ona faailoa.
Ole tamaititi 10 tausaga sa auina atu foi I le falemai o tamaiti I Westmead e faia ai taotoga ona o manuaga tuga I ona vae. Ole tamaititi 9 tausaga lipotia na auina atu I le falemai I Orange, Fai mai leoleo o se faalavelave faamomoiloto. Ole avetaavale na taumafai e sola ese mai le nofoaga na tupu ai le faalavelave ae na toe maua mulimuili ane I Elizabeth St . Sa taumafai e sola peitai na pueina eleoleo ma auina atu ilefalemai I Dubbo mo togafitiga
