E toalua tama taaalo a Niu Sa Uelese ua faasala i lo la aofia ai i le vevesi na tulai mai i le taimi o le taaloga i le po anapo.
O Cameron Murray ma Haumole Olakau’atu ua tuuina iai faasalaga e tailua taaloga e mālōlō ai e lē taaalo.
O le faamatalaga mai le 9News ua ta’ua ai e lei iai i laua i luga o le malae i le taimi o le vevesi ae tamomo’e ane mai le vaega sa iai faaleoleo a le ‘au.
E toaiva isi tama taaalo ua faasalaina foi e aofia ai Payne Haas, Felise Kaufusi, Matt Burton, Reuben Cotter, Brian Too, Jeremiah Nanai e totogi ane se pasene o a latou match fee ona o le auai ai i le vevesi.
O Kurt Capewell mai Kuiniselani ua faasala i gaioiga lē saogalemu sa faia i le taimi o le taaloga, Matt Murton e lei iai se sala na tuuina iai ona sa toe vaaia o taumafai e vavao le vevesi.
O le i’uga o le taaloga State of Origin 2024 ua sola mai ai le Blues a NSW ma le malo i ‘ai e 14-4 i se taaloga mata’ina toe finau.
Puna o Faamatalaga: https://www.nine.com.au/sport/nrl/state-of-origin-2024-suspensions-cameron-murray-haumole-olakauatu-charges-brawl-nsw-blues-queensland-maroons-20240718-p5jun6.html
