E to’alua alii o loo feagai ma manu’aga tugā ina ua osofa’ia e ni alii se to’afā sa fai a latou matapulepule ma faa’au’upegaina i agaese ma to’i se’i tulou ma o latou osofa’ia ai se fale o se aiga i Perth.
Ta’ua e le 9News sa faaleaga e le to’afā lea lumā maota o le fale lea i Currie Street i le vaveao o le Aso Gafua, o le amataga o lenei vaiaso.
O i lea na māfua ai loa ma se vevesi i fafo ane o lea fale a o taumafai foi i latou e aumau i lea nofoaga e tetee atu i le ‘au osofa’i.
O se alii pe ā ma le 40 tausaga na manu’a, na aafia lona fatafata i se naifi ae o le isi poo le 50 tausaga na aafia ma faamanu’alia foi o ia i le naifi.
Molimau tuaoi na faalogoina le tauvalaau ane o tagata a o le’i vaaia se tasi o i la’ua na manunu’a o momo’e ane i le alatele ma sa’ili fesoasoani i aiga tuaoi mo ona manu’aga.
O le to’alua na manunu’a na faatotope atu i le falema’i ona e fai lava sina tigāina o manu’aga, ae o le to’afā o loo feta’ua’ina na faatinoina le osofa’iga na sosola ese ma o loo tau sa’ilia pea.
E talitonu le ‘au su’esu’e na faaaogā e i latou ia na osofa’ia si aiga lea ia faamalama sa faaleagaina o le fale e sao atu ai i totonu.
Puna o Faamatalaga: https://www.nine.com.au/australia-news/wa/two-men-stabbed-after-masked-group-storms-home-in-axe-attack-20260824-p60r5g.html
Comments
Loading comments…