E toalua tagata ua pueina e leoleo ona o tupe sese sa faataamilo solo i Rotorua i totonu o le lua masina.
I se pepa o faamatalaga mai leoleo i le asō ua faamaonia mai ai le pueina o i laua ia ma molia i le faia o lea solitulafono.
O meafaigaluega mo le faia o tupe lē mo’i ia e aofia ai le 10 tala, 20, ma le 50 tala pepa ua maua uma e leoleo.
E18 tausaga o le alii ma le tamaitai e 22 tausaga e tutulai i luma o le faamasinoga faaitumalo i Rotorua i le asō i moliaga e faatatau i lea mataupu.
O faleoloa na taliaina tupe ia ua fautuaina ia silasila ma le toto’a ma mataitu eseesega o le tupe moni ma ia tupe.
Ua faailoa iai e leoleo o le tupe lē mo’i lea e lomia i le pepa ma e faigofie ona masae ma ia vave ona logo leoleo.
