Toalua isi tagata Amerika Samoa ua aafia ile faama’i

O loo faatalia seisi lipoti lata mai mai Amerika Samoa talu ona faalauiloa mai I le faaiuga o le vaiaso na tea nei ua iai foi nisi tagata e toalua  ua aafia I le koviti 19 ma ua faamaonia mai lea faamatalaga e le Matagaluega o le Soifua Maloloina i le atunuu ma taua foi I le lipoti a le Radio NZ Pacific.

O i laua uma ua aafia ua maea ona faia uma tui puipui e lua ma na toe foi ane I le teritori I le aso 27 o Setema mai Honolulu I Hawaii I le Hawaiian Airlines. O leisi case muamua e pei ona lipotia atu foi e talafou na faamaonia I le aso 13 o Setema mai se faigamalaga foi mai Honolulu.

Fai mai e 232 le pasese a le vaa ile faigamalaga lea I le aso 27 o Setema ma o loo iai uma I latou ia I le quarantine poo nofoaga faanofoesea. O le 49 o pasese sa faanofoesea ile faletalimalo o le Sadies by the Sea ma leisi vaega na agai I le Tradewinds hotel lata I le malae vaalele I Pago Pago.

Saunoa le o loo avea nei ma faatonu mai le Matagaluega o le Soifua Maloloina I lea lava lipoti ,Elizabeth Lauvao , na ia faamatala o leisi tagata ua aafia sa faanofoesea I le Sadies Hotel ma faia siaki ma iloa ai le aafia ae pei e foliga o lea tagata sa aafia ae lei malaga ane I le teritori. Etoalua ana close contacts o loo faanofoesea foi.

Faailoa e Lauvao o le toalua ua aafia ma isi pasese e toatolu o close contacts o loo ua aveina nei e faanofoesea I seisi nofoaga a le malo ma o le a mataituina ai ma le toto’a. O I latou uma ia ua maea ona faia tui puipui ma ua atoa ai le toatolu o tagata ua faamaonia le aafia ile koviti I le teritori.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required