E fai si tigaina o manu’aga o se alii faapea foi ma si pepe ma se isi tamaitiiti na ave uma i le falema’i ona o se afi na sasao ane i se fale i le Sunshine Coast.
Ua lipotia e le 7News i le asō o le alii na aafia na faavave atu i le Sunshine Coast University Hospital poo le te’a o le 10 i le po anapo faatasi ai ma se tamaitiiti ma se pepe ua mānavaina le asu mai le afi.
O se tamaitai pe ā ma le 30 tausaga le matua, na ave foi i le falema’i ona o manu’aga i ona vae ma ia mānavaina foi le asu atoa ai ma se isi foi alii e atoa iai le to’alima o tagata manunu’a mai lea faalavelave ma ave uma atu i le falema’i.
Fai mai o le fale e i le faaitu o Maroochydore ma o loo faagasolo su’esu’ega i le mafuaaga o le afi ma tālia se isi lipoti mai ia i latou o loo i le falema’i.
Puna o Faamatalaga: https://7news.com.au/news/man-with-serious-burns-toddler-and-baby-suffer-smoke-inhalation-in-maroochydore-house-fire-c-16315632
