Ua faamautu mai suafa o tamaitai ma atunuu e malaga mai lea o le a tauva i le faaiuga o Ianuari seia oo i le amataga o Fepuari e saili ai se Lalelei o Motu o le Pasefika poo le Miss Pacific Islands. 

O i latou nei e toalima e aofia ai le tausala o Amerika Samoa, le tamaitai o Kauhani Fuimaono, Tausala o Nauru, le tamaitai o Alexandra Pitcher, le tausala mai Papua Niu Kini, o Josie Nicholas, le tausala o Solomona o Tiare Haro ma le tausala o Samoa o Haylani Kuruppu. 

O Samoa o le a talimalo i lenei tauvaga tele ma o le ulutala ua faaupuina i le gagana Peretania “Strength In Unity”. 

O le tausala o Motu o le Pasefika o loo iai i le taimi nei lea ua 3 tausaga o ia tauaveina le Pale le tamaitai ia Fonoifafo Nancy McFarland Seumanu ua nofo tapena e tuuina atu le pale o le tausala o Motu o le Pasefika i se tasi o nei tamaitai lalelei e toalima. 

O le aso 29 o Ianauru  oo i le aso 4 o Fepuari o le a faagasolo ai lenei faamoemoe tele.