Ua oo atu I le 262 le aofai o cases fou I Niu Sau Uelese ma leisi toalima ua maliliu e pei ona faamaonia mai nei e le premier Gladys Berejiklian I feiloaiga ma tusitala I le aso. Ua oo atu I le 21 le aofai o tagata ua maliliu mai Niu Sau Uelese talu ona toe pepesi le faamai.

O le toafa o I latou ua maliliu e lei faia lava tuipuipui ma le toatasi ua maea ona faia le tui muamua o le Astrazeneca.

Faapopoleina le Soifua maloloina I le faatupulaia pea ole aofai o tagata talavou o loo aafia I le faamai ma o loo taofia I le vaega tigaina o le falemai. Ua iai foi le popolega I le pepesi atili o le faamai I isi faaitu o Niu Sau Uelese I le maea ai ona faamaonia le aafia o ni tamaiti aoga mai ni aoga selua I le Central Coast.

Mai Vitoria e 6 isi cases fou ua faamauina I le aso ma o loo faanofoesea uma. I Kuiniselani e 16 isi cases fou ua faamauina ma ua oo atu I le 79 tagata o loo aafia I le koviti I le taimi nei I Kuiniselani.

Faailoa mai e le ofisa sili o le Soifua maloloina e le taumate o le a faaopoopo foi le umi o le tapu o loo feagai nei ma le setete.