Search

Toafitu sui o le pulega o le NPF ua molia e mafua i le tusi faaseā i le Taitaifono o le Komiti Faatonu

O le Aso Faraile o le vaiaso nei aso 22 o Mati e tatau ona tuuina atu ai ni tali a ofisa sinia e toafitu o le pulega o le Faalapotopotoga o le Faaputuga Tupe o le Lumanai Manuia o Tagata Samoa e SNPF (Samoa National Provident Fund) i moliaga ua faia faasaga iai e mafua i le tusi a le aufaigaluega o loo faailoa ai ni atugaluga ma ni faaseā a le aufaigaluega faasaga i le Taitaifono o le Komiti Faatonu o le faalapotopotoga le susuga Papalii Panoa Tavita Moala.

O lea tusi na faia i le aso 20 o Fepuari 2024 o loo saini ai suafa o ofisa sinia o le pulega o le NPF ua molia, ina ua mae’a se sailiiliga ma se suesuega a le komiti o mataupu ma’ale’ale faalotoifale a lea faalapotopotoga a le Malo lea ua ta’ua i le gagana Peretania o le Grievance Committee.

O le Aso Gafua o le vaiaso nei 18 o Mati 2024 na tuuina atu ai le tusi mai lea komiti ua logoina ai ofisa sinia o le NPF i o latou moliaga, ma le avanoa e tali atu ai.

Ua faailoa foi i le tusi a le komiti o mataupu maaleale faalotoifale o le a latou iloiloina tali o le a tuuina atu ma fai le faaiuga i le talia ma le teena.

O le tusi faaseā a le aufaigaluega o loo faailoa ai atugaluga i ni faaiuga a le Taitaifono na talia ai ni talosaga mo ni nonogatupe mai le NPF na faia i totonu o le ono masina i lona aofaiga e $67 miliona tala.

O le aliali mai i fafo o lea tusi na faailoa ai se finagalo o le Minisita o Tupe o loo iai ma le vaaia o le NPF, ma ia faailoa ai o faaiuga a le Taitaifono ma le Komiti Faatonu i ia nonogatupe sa faia uma e tusa o aiaiga faaletulafono o loo lima taitaiina ai galuega a le NPF.

O loo faamalolo lē tumau le Taitaifono i se faaiuga a le Kapeneta, a o tālia se suesuega o loo faia, e ese mai le suesuega a le komiti o mataupu ma’ale’ale faalotoifale a le NPF lea ua molia ai ofisa sinia e toafitu o le pulega.

O sui e toafā o lea komiti o loo aofia ai le Ofisa Sili o le pulega o lea faalapotopotoga a le Malo.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required