E toafā tagata ua pue e leoleo i le mae’a o se taumafaiga e gaoia se supamaketi i Aukilani.
Na valaau ane leoleo i le Countdown i Mt Roskill a o lei taina le 12 i le po anapo ma iloa ai ua faaleagaina le faitotoa pito i luma o le faleoloa.
Fai mai lipoti na tulituliloa e le vaalele helicopter a leoleo le toalima o i latou ia e talitonu na faatinoina lea gaioiga ma pue ai loa tagata e toatolu mai se fale i Christini Street ma le isi e toafā iai na maua atu i lalo ifo o se tasi fale e lata ane.
O loo sailia pea e leoleo le isi e atoa iai le toalima ma faagasolo foi a latou suesuega.
