Photo - NUS

To’a 20 fanau aoga Iunivesite ua faamanuiaina i sikolasipi mai le IPES

O le galulue faatasi ai o le Iunivesite Aoao o Samoa ma le Faalapotopotoga o Inisinia i Samoa le IPES (Institution of Professional Engineers Samoa) ua tauaao atu ai e lea faalapotopotoga le $10,000 i le Iunivesite mo fanau aoga o le mataupu i le tikeri faasiaenisi i le tausaga lua ma le tolu lea ua faamanuiaina i sikolasipi. 

Ta’ua e le Peresetene o le IPES afioga Tafeamaalii Philip Kerslake o le tausaga lenei e atoa iai le 8 tausaga talu ona fesoasoani atu le faalapotopotoga e ala i sikolasipi mo le Iunivesite Aoao o Samoa talu mai le tausaga e 2014 faapitoa lava i mataupu faainisinia ma mataupu tau matātā eseese. 

O lenei faamoemoe na iai le naunautaiga e faatino i le masina o Aperila peitai ua tolopo mai i lenei vaiaso ona o le puipuiga o le Koviti-19.

Na faafetaia e le Sui Peresetene o le Iunivesite afioga Peseta Dr. Desmond Lee Hang le faalapotopotoga mo le lagolago faaauau i le Iunivesite Aoao o le atunuu ma faailoa ai foi o nei sikolasipi o se miti ua taunuu mo le toatele o fanau ua faamanuiaina ai. 

Scroll to Top

Keep uptodate with Radio Samoa activity & promotion

* indicates required