Photo: Samoa global

To’a 12 tausi soifua ua maea aoaoga faapitoa i fatugao (Haemodialysis)

Na faatautaia e le Faalapotopotoga o Fatugao o Samoa le National Kidney Foundation se tufatufaga faailoga mo tausi soifua e to’a 12 ua maea a latou aoaoga i mataupu faapitoa i fatugao le haemodialysis.

O lenei aoaoga na taitaia e le alii fomai ia Dr Ben Matalavea ma nisi o fomai ma tausi soifua a le atunuu faatasi ai ma le lagolago a le Faalapotopotoga o le Soifua Maloloina i le lalolagi tauala atu i ni fesoasoani faapitoa Mai atunuu i fafo.

O tausi soifua e to’a 12 ua agavaa nei e faatino galuega i masini mo gasegase o loo faamama toto i le fale fatugao i Samoa. 

O le afioga i le Minisita o le Soifua Maloloina Valasi Luapitofanua Toogamaga Tafito Selesele na saunoa i le saunoaga autu o lea faamoemoe ma ave ai le faamalo i tausi soifua ua faauuina. Na ia fautuaina foi tausi soifua ina ia galue punoua’i ma fai iai le fai mea lelei i galuega ua faamanuiaina ai. 

O le tamaitai tausi soifua ia Tepatasi Mareko na fai ma sui o le vasega fauu e Momoli le faafetai i le Minisita faapea fomai na feagai ma le aoaoina o i latou. O se luitau tele mo i latou peitai o lea ua tini lau o le faamoemoe.

O lenei faamoemoe na molia auina e aiga, uo ma e masani a le au faauu ma o se laa lea i luma mo le Faalapotopotoga fatugao a Samoa ua faaopopo le fainumera o i latou ua iai le tomai ma le agavaa i lea foi matafaioi taua.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required