O loo iai nei i se tulaga lē mautonu le soifua o se teineititi 10 tausaga na taia ina ua emo le uila i Sunshine Coast i Ausetalia.
O le ‘afa o le itula e 2 lua i le aoauli o le Aso Toonai (taimi Niu Sila) lea na tupu ai a o pāpā leotetele faititili.
O uiga sauā o le afā o Jasper a o agai ese ai.
O lea alo tamaitai na auina atu i le falemai i Sunshine Coast ae e lei auina atu i le falemai o tamaiti i Kuiniselani i se tulaga tigaina e tusa ma faamaoniga mai le ofisa o leoleo a Kuiniselani.
E ese mai i lea, o le afiafi foi o le Aso Faraile na maliu ai se alii 30 tausaga i Brisbane a o malolosi faititili, ma e faapea o ia lea na maua o loo taatia e latalata i poumolī i luga o le auala ua lē iloa se isi, mulimuli ai faamaonia mai e leoleo i le Aso Toonai na sipaka.
