O loo taoto tigaina i le falema’i le alii e faapea na tatui (tulou) e se tasi i luga o le auala a o tu ai le taavale i mōlī.
O Riccarton i Kalaiesetete lea na tupu ai lea faalavelave e lata i le itula e 6 i le afiafi ananafi ma e faapea o le taimi a o tutū taavale e lua a lē na faia ma lē ua aafia i mōlī lanu mūmū na oso ai loa i fafo lē na faia ma faaoo manu’aga i lē o loo faataotolia tigaina nei.
O le uma ai ona faia na toe vave sola ese ai lē na faia ma alu aga’i i Matu o Clarence Street.
E tuufaatasia tala o le taeao o loo faasolo su’esu’ega a leoleo ae poo le ā foi le mafuaaga ma o loo faatalosaga mai foi i soo se tasi na vaai iai pe silafia nisi faamatalaga ina ia faafesoota’i atu le ofisa.
Puna o Faamatalaga: Man critically injured after stabbing at red lights in Christchurch (1news.co.nz)
