O le taeao nei lea na feiloai atu ai le Itumalo Gagaemauga #1 e ala lea I le molimoli aloaia atu o le afioga ia Tuala Tevaga Iosefo Ponifasio I le Vaega Faaupufai a le Faatuatua I le Atua Samoa ua Tasi, le FAST.
Taua e le Itumalo o Gagaemauga #1 o le ā galulue felagolagoma’i ma le Vaega faaupufai a le FAST i soo se vaega e manaomia ai le lagolago.
Na vaaia foliga fiafia ma le faagaeetia o sui o le itumalo I le molimoli atu ai o le latou sui I le vaega faaupufai ua o latou filifilia.
Na talia aloaia e le taitai o le FAST Fiame Naomi Mataafa lenei momoliga ma momoli ai foi le faafetai I le Itumalo ma Tuala mo le filifilia o le FAST e fai ma Vaega faaupufai e galue ai.
Saunoa foi e le Sa’o Faapito “ Ua faafetai ua avea le momoli mai o le Sa’oalii ua toe faaoga ai lo’u totoo”
E pei ona silafia o le afioga ia Tuala Ponifasio sa auai I le faigapalota o se Sui Tutoatasi ma i le maea ai o le faiga filifiliga na manumalo ai lea sui mai le Itumalo Gagaemauga #1.
I le tulai mai ai o Tuala I le tofi na iai ia te ia le filifiliga saoloto e filifili ai poo fea o Vaega faaupufai e lua e tatau ona agai ai ma o le taeao o le Aso Lulu o le vaiaso nei lea na faailoa ai loa le auai atu o Tuala I le vaega faaupufai a le FAST.
