O le toatolu o alii e toafa na molia I le faalavelave na maliu ai le alii fusu o Fau Vake i Aukilani ua lipotia I le aso o loo tetee I o latou moliaga. O le aso 16 o Me na aafia ai Vake ise faalavelave na aafia ai I Symonds St I le aai I Aukilani ao le aso na tutulai ai alii e toafa I le faamasinoga maualuga I aukilani.
O leisi o I latou ia o Ofa He Mooni Folau na ia ioeina moliaga e lua o le faaoolima ma ua faatulaga ia Aukuso e lauina ai lona faasalaga. Peitai o leisi toatolu e pei ona taua e aofia ai ma le o loo molia I le fasioti tagata paivalea, o loo teena moliaga.
O loo taofia le faalauiloaina o o latou igoa ma ua faatulaga le mataupu ile faamasinoga ia Oketopa o le tausaga fou.
