O le aso 19 o Aukuso lea ua toe tau ai le solo tetee a tausimai
O le vaiaso talu ai lea na sau ai tala ua le talia e tausimai le isi ofo mai pulega o le soifua maloloina faaitumalo faatatau I le suiga o o latou totogi, ma o lea ua toe foi ai nei Ie isi tetee
O le tetee ua ta’u e faapea o le a amata mai le 11 I le taeao seia oo I le 7 I le po, ma o le a le aafia ai I latou o loo galulue I tuaoi ma nofoaga faanofoesea
Finau a le faalapotopotoga o tausimai a Niu Sila, sa iai le naunautaiga ia toe talanoa ma pulega faaitumalo o le soifua maloloina e aloese mai ai I le faia o solo tetee, peitai o lea e le I maua se feiloaiga, ma ua sau tala e faatoa feiloai I le Aso Tofi nei
Ao toe ta’u ai lea tetee, o lea ua agai pulega faaitumalo o le soifua maloloina I le faamasinoga o galuega, poo le Employment Court faatatau I le faasilasilaga o le tetee ua toe faailoa mai nei
Ao fefaloa’i ai la tausimai ma pulega, ese mai le solo tetee 8 itula I le aso 19 o le masina nei, o le aso 9 I le aso 10 o Setema le isi tetee mo le 24 itula, ma e faalagolago uma le taunuu ma le le taunuu I feutanaiga o loo faia nei
