E oo atu i le $130 miliona tupe o inisiua o fale o aiga na faaleagaina i le mafui’e i Kalaiesetete o loo i le kamupani inisiua. 

O le vaega tupe lea o loo iai pea i le Southern Response mo talosaga e le’i atoa peimeni sa muai tuuina atu iai, ma e ui o loo taumafai le kamupani e saili e lē o mafai ona maua le to’atele. 

I lipoti e foliga mai o le to’atele o tagata e iai o latou fale na aafia e lē o iloa a mea e agavaa, ma o loo talanoa nei fesoasoani tupe i le 8 i le 10 tausaga ua alu. 

I saunoaga a le loia o inisiua Peter Woods i tala a le TV1, e agavaa ai tagata na faamautu a latou talosaga ma le kamupani a le Southern Response faapea le AMI a o le’i oo i le uluai aso o Oketopa o le 2014. 

O le to’atele o tagata na mafai ona maua inisiua mo fale na faaleagaina e oo atu i le 20% e le’i atoa ai faamanuiaga sa tatau ona maua i tausaga ua alu. 

O ni faasa’oga ua toe faia ai i le mae’a su e se tasi o ulugalii Kalaiesetete o le kamupani inisiua a le Southern Response lea e pulea e le malo, ma e oo mai i le taimi nei e tusa ma le 1,400 i latou o loo aitalafu ai le kamupani ma o le to’atele e oo atu i le $100,000 tupe o loo toe totogi atu iai. 

Ae mo e fia faamautinoa le agavaa mo ia faamanuiaga, faafesoota’i se loia poo le Southern Response.