Ao tatali le tui o le Koviti, e foliga mai o atunuu e malolosi tamaoaiga lea ua o latou maea okaina le tele o tui puipui
Pe a fua iai I le gaosiaina o vailaau I le taimi nei, e na o le 40% le tele o tui puipui e mafai ona ofoina mai ae le I uma le tausaga fou, peitai o lea ua silia ma le afa ua maea okaina e atunuu e tusa ma le 14% o le fuainumera o tagata o le lalolagi
O Ausetalia, Kanata ma Iapani ua maea faamautinoa latou te avea le silia ma le tasi piliona o tui puipui
Ua sau ai ma le fautuaga a le sooupu o le Oxfam, Joanna Spratt, e sili ai ia Niu Sila ona faatalosaga kamupani o loo gaosia nei vailaau e faasoa mai le tomai ma tekonolosi, ma afai ae talia le talosaga o le a tele vailaau e mafai ai ona gaosia mo tagata uma
$27 miliona le peimeni muamua a Niu Sila mo le COVAX, poo se tasi o vaega a le World Health Organisation, WHO faia mo le faatauina o tui puipui mo atunuu maualalalo tamaoaiga
Pe a faatusa lea fuainumera I le faitau piliona ua foaia e isi atunuu e pei o Farani, Korea, Spain atoa ai ma le foundation a Bill & Melinda Gates I le masina talu ai, ua taua ai e le WHO, tele nisi piliona e moomia, lea pe a ma le $24 piliona mo le 2021.
