O le faai’uga o lenei vaiaso ua molimauina o le a tele ai tapenaga mulimuli a ekalesia, ma aiga i Samoa ona o le faamanatuina o le Aso Sa o Tinā o lumana’i nei lea e pa’ū tonu i le Aso Sa lona lua o lenei masina o Me.
O vaaiga masani i faleoloa i le taulaga i Apia ma Salelologa, o le tumutumu o faatauga o laei ma teuga mo tinā ae faapea foi meaalofa, ae taualuga lava i faatauga o taumafa eseese.
O le tausaga nei ua atoa iai le 111 tausaga talu ona faamanatu le Aso Sa o Tinā i le lalolagi talu mai le tausaga e 1914.
Avea ai lenei avanoa e molimoli atu ai alofaaga ma faamanuiaga mo tinā uma o si o tatou atunuu.
Manuia tele le Aso Sa o Tinā!
