Ao tapena le toatele mo tafaoga I le toe tatala o tuaoi o le atunuu, ua pisi ai ma le ofisa o loo faagaioia tusifolau

E sefulu aso sa masani ona faatali ai le talosaga o se tusifolau, peitai o lea ua faaopoopo aso ma o nisi ua oo atu I le 21 aso pe sili atu foi

Faamautinoa mai e le Department of Internal Affairs poo le matagaluega o le va I fafo, pe tusa ma le 1500 talosaga faaoo atu I totonu o le aso e tasi

O le taimi lava foi na sau ai le faasilasilaga I le toe tatala o tuaoi o le taimi lava foi lea na faga ai I luga ma le fuainumera o tagata talosaga mo tusifolau fou

Ae mo I latou ua filifili e totogi le peimeni e vave faagaioia ai se talosaga lea e tele ina faatali I totonu o le tolu aso, mai le pulega e le o iai se suiga

O se queue umi tele o talosaga ua faaopoopo ai foi ma le aufaigaluega sei fesoasoani I le faagaioia o talosaga, peitai o loo sau pea le lapataiga e ono umi se taimi e faatali ai ona o lea e moomia le faia muamua o toleniga o le aufaigaluega fou