I totonu na o le tasi le tausaga, sa faaaluina e le Auckland Council le $7.4 miliona e sailia mai ai nisi tagata faigaluega.
O se tupe tele ma e lē o fiafia ai le pulenuu, Wayne Brown.
Na lipotia e le leitio a Niu Sila, o le tausaga faauma i le masina o Novema e 3049 tagata faigaluega na faafaigaluega e le council, aofia ai ma tagata faigaluega fou e 1742.
A o lē fiafia ai la Brown i le tele o tupe ua alu i le sailia o nisi tagata faigaluega, o lea ua fai mai ua iai suiga mo le alualu i luma, ma e aloaia i le masina o Iuni o le tausaga fou lea e aofia ai le faaitiitia o aso e sailia ai se tagata o loo faatalosaga i se avanoa faigaluega ma faasao mai le tusa ma le $600,000 i le tausaga.
