Ua agiga foi i le upega tafailagi i le asō lipoti ua ta’ua ai le lē auai atu o Jarome Luai i toleniga a le Panthers i le mae’a o lipoti ua saini lana konekarate 6 miliona i le West Tigers.

Fai mai lipoti a le 9Sports e ui e lei faamaonia ane e Luai poo le kalapu a le Tigers ma le Panthers foi ia faamatalaga ae o loo feta’ua’ina lava i nisi lipoti ua mae’a ona sainia lea maliega. 

Ta’ua i le lipoti i se taimi e lei mamao atu sa faailoa ai e i latou o loo fai ma sui o le alii taalo o loo manaomia sina taimi ese mai o Luai mai le kalapu ona o nisi o mataupu e fia faatinoina.

O lipoti a le Sydney Morning Herald na ta’ua ai sa post e Luai i le instagram e lei iai lava se mea ua faamautuina i le taimi lea ae o le a faailoa ane lava pe a faamautu mea uma.

Ui i lea fai mai nisi o le autapuai i le alii taalo, taatia pea le maliega a Luai latou ia te ia, e fai lava e ia lana faaiuga pe taalo i le Panther poo le Tiger i le tausaga fou.