I se tala mai le Pasefika ua faamauina le tele o luluuga o mafuie i le malo o Tonga i le faaiuga o le vaiaso seia oo mai i le asō.

Lipotia e le US Geological Survey e 72 le malosi o le mafui’e na lulu i Tonga i le taeao o le Aso Faraile talu ai ae lei iai se lapataiga o se tsunami.

I le Aso Toonai na faamauina ai foi le isi mafui’e e 6.5 le malosi i le fua mafui’e i Tonga lava, o le taeao o le Aso Sa na faamauina ai luluuga i le tusa ma le 290km mai le faaitu o Ohonua ma o le loloto ei le va o le 10-28.5 kilomita. 

E masani ona faalogoina mafui’e i Tonga lea e iai tonu i le faataamilosaga o le Pacific Rin of Fire, o le faataamilosaga aupito tele lea i le Vasa Pasefika o vaega e masani ona faalogoina ai mafui’e.

I faamaumauga a le US Geological Survey ua faailoa ai o Tonga, Fiti ma Indonesia lea e aupito tele mafui’e ua faamauina ai ae o le taeao foi ananafi na faamauina ai se mafui’e i Vanuatu e 5.3 lona malosi.