O se polokalame e faia fua i le atunuu mo le faamoemoe e faaa’upegaina ai talavou Ausetalia i le tomai i tulaga tau tupe ua faailoa mai ua ausia se aofa’iga tele o sui auai.

E lata i le 400 afe tamaiti a’oga ua mafai ona auai i lea polokalame o loo faatautaia e le kamupani a le Ecstra ma o tamaiti a’oga mai le Blacktown Boys High i Sini o loo auai ai ma faamatala i le aufaasalalau le tāua o le tomai ua o latou maua.

Fai mai isi ua maua le tomai i le tulaga o tupe maua faapea lafoga poo tax ae sa leai se malamalamaaga i ia mea i le taimi ua sola.

O le polokalame lea ua amata ai le Talk Money e fesoasoani ai i a’oga e faaleleia atili a latou polokalame tau a’oa’oga i mea tau tupe.

O le 2022 na amata ai le polokalame lea o le Talk Money ma ua silia ma le 400 afe tamaiti a’oga ua mafai ona fesoasoani iai le auaunaga e tauala i polokalame e 9,900 ua mae’a faatino.

Puna o Faamatalaga: https://www.9news.com.au/national/program-equipping-students-with-financial-literacy-hit-400k-mark/f6b8a221-88d1-4b04-ab52-e4358b546b70