Search
Photo by U.S. Embassy in Samoa

Telē le auaunaga a le Vaa o le USS Jackson mai le Malo Tele o Amerika a o taula ai i le atunuu 

E tele nisi o polokalame aemaise o nofoaga sa asia e le auvaa lenei a le USS Jackson ma e tauala mai i se polokalame faapaaga i le Pasefika 2023.

I se faamoemoe na faatautaia i luga o lenei vaa na saunoa ai le Sui Palemia, Afioga Tuala Tevaga Ponifasio e tusa ai o le auga o lenei vaa ma lana auaunaga i le Pasefika.

“O le asiasi mai ai o lenei vaa i o tatou laufanua o se tasi o vaega o loo faatulagaina o auaunaga a le Malo Tele o Amerika.

“O le oo mai ai o sui o le auvaa a Amerika o loo auai faatasi ai ma le vaega o le Defence Force a Niu Sila ma ana paaga ina ia faamautu le galulue felagolagomai ma le Pasefika e aofia ai Samoa ina ia faailoa nisi o vaega o loo fai ma faafitauli e aofia ai faiga faasolitulafono, o le fagotaina faasolitulafono o ogasami o le Pasefika, tausiaina o le filemu ma le saogalemu lautele aemaise nisi o mataupu tau suiga o le tau o loo feagai pea ma Samoa.”

O le polokalame faapaaga lenei i le Pasefika o loo aofia ai Papua Niu Kini, Fiti, Samoa ma Toga ina ia galulue faatasi i nisi o vaega o loo manaomia ai le fesoasoani e tagatanuu.

“O le ala lea e ao ai ona momoli le faafetai i le malo tele o Amerika o le avea ai o se paaga maumaututu i le Pasefika e tuuina mai le tau’au e lagolagoina manaoga o atunuu o le Pasefika i vaega e ao ona ave iai le faamuamua e pei ona iai le taiala i le 2050.

“O le ala lea o le naunau o Samoa ina ia faasoa atu le lima fesoasoani o ana paaga i soo se atinae ae e iai le mautinoa o le tiute fai faatasi ina ia le gata e atinae faatasi ai atunuu ma silafia ai le laasaga o loo iai le tamaoaiga o atunuu taitasi i atinae o loo ave iai lana faamuamua.”

O le auvaa lenei na asia nisi o nofoaga e aofia ai le Toomaga mo ē Puapuagatia, o aogā o nisi o auaunaga na maua ai foi le avanoa i nisi o ofisa ma Kolisi e asia ai lenei vaa ma silafia ai foi le tulaga o le maualuga o ituaiga auaunaga faapenei.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required