NZ police

Tele aupega e o atu ma le au tafafao I fale kalapu

Ua faatupulaia le maua o laau malosi faapea agaese e o atu ma tagata I falekalapu I totonu o Aukilani

O le molimau lea a se tasi o sikulati ua silia ma le 20 tausaga o faia lea galuega e tusa ma ripoti a le Herald, ma o loo puipuia le faalauiloa o lona tagata

O lea ua faaaoga e nisi o papu masini e iloa ai aupega o loo o atu ma le au tafafao, ma I le talitonuga o lea sikulati o se isi lea auala ua tatau ona faia e le tele o papu

O le tulai mai foi o vesiga I le va o kegi o se tasi lea o mafuaaga o le faaopoopo pea o le maua o aupega e o atu ma tagata tafafao

Ua ia tautino ai foi e ui o le tele o falekalapu e le faatagaina sui o kegi ona ulufale i ia fale, peitai o le tele o le taufaamatau e feagai ma sikulati e iu ai lava ina toe faataga, ma o le toatele lava o sikulati talavou pe fou foi I le galuega lea e tele ina aia ai

O loo suesue nei foi e leoleo se tasi o mataupu fetauaina ai laau malosi na tulai mai I le fale kalapu I Manukau I Aukilani I Saute I le masina talu ai, ma e masalomia e fesootai foi ma faiga a kegi

O le molimau a le e le o faailoa, ua ia toe gagana ai lava e le o lava fesuiaiga o taimi faatapulaa e tatala ai fale kalapu faapea suiga o laisene I le faatauga o le ava malosi o loo iai nei e foia ai lea faafitauli

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required