E tele aitalafu a atunuu Pasefika ia Saina, ma a o toe togitogi ai o lea lava e fai ma aafia le Pasefika i faalavelave faalenatura ma atili toe faula’i ai tupe nonō nei.
O Saina o ia lea o le faletupe tele a le Pasefika o loo sau ai le tele o tupe nonō i totonu o le silia ma le 20 tausaga ua alu.
I se lipoti a le leitio a Niu Sila o loo toe ta’ua ai faatusatusaga na faia a le Lowy Institute ma o Tonga, Vanuatu ma Samoa lea o loo maualuga ai ana tupe toe totogi agai ia Saina pe a faatusa ia latou Gross Domestic Product, le GDP.
O Tonga o lea e lata i le 4% o lana GDP o loo toe alu i peimeni o loo faia agai ia Saina, ma o se maualuga tele lea e tusa ma le suesuega lea e faapea e tulaga tolu i le lalolagi.
O Samoa o le 2.6% o lana GDP, e tusa lea o le lona fā i le lalolagi, ma Vanuatu o le lata i le 2% o lana ia foi GDP.
O le suesuega lava foi lenei e tasi o loo toe ta’ua ai e lē o faigofie i nisi o atunuu Pasefika le taumafai e toe totogi aitalafu ia Saina, e aofia ai Tonga ona o le faaauau pea ona afatia i faalavelave faalenatura.
Ae mai tagata suesue faapitoa, o aitalafu nei a atunuu ese e lē faamagaloina e le faletupe o atina’e a Saina.
Puna o Faamatalaga: Pacific Island nations owe ‘astronomical’ debts to China. Can they repay? | RNZ News
