E fai si toatele o aiga Ausetalia e itiiti ane i le afe tala se vaegatupe o loo iai i totonu o a latou tupe teu poo savings, o le faamatalaga lea mai le suesuega sa faatino e le Finder.

O le Finder o se upega tafailagi latou te faatino auaunaga faapea i le sailia faamatalaga ma ua iloa nei ia latou suesuega o le 45 pasene o tagata na tali ane i le suesuega e tusa lea ma le 9.4 miliona o tagata i Ausetalia, sa o latou faailoa e itiiti ane i le afe tala tupe o loo ia latou savings.

O le isi 20 pasene o le aofai o tagata sa faia iai le suesuega sa faailoa e lē o iai ni tupe o faasaoina e tusa lea e 4.2 miliona tagata.

O le 76 pasene o tagata na faia iai le suesuega sa o latou faaalia le mafatia i tulaga faaletonu o iai nei a latou tupe maua.

O faamatalaga a le Finder i lenei tulaga e fua i faamaumauga na o latou aoina, ua manino ai ua matuai maualuga le tau o le soifuaga ua iai nei.

O le mafuaaga taatele foi lea o le itiiti o tupe faasao a tagata ua oo ai lava nisi o aiga i le leai o se tupe o mafai ona faasaoina i vaiaso taitasi ma ua oo lava i le sui o pa’u o le taavale ua lē gafatia e le toatele.