Lipotia e le RNZ i le asō o agents taufaasese mai atunuu i fafo o loo faafesotaia mai fale faigaluega i Niu Sila nei e faatau visa ma galuega, o nisi ua o latou aveina visa ia ma galuega e pei ona faamanino mai e nisi e tele le silafia i lenei mataupu.
O loo fia maua la e le au faufautua tau femalagaa’iga, poo immigration advisers ia fale faigaluega o loo latou malilie atu i lea faiga.
Sa faailoa e le Association for Migration and Investment o visa taufaasese ia o loo faataamilo e aofia ai se isi foi ituaiga visa e foliga o loo faailoa ai le saini a le tamaitai faasalalau lauiloa o Oprah Winfrey.
Ua faaalia e le Serious Fraud Office e lē o mafai ona faamaonia pe teena foi ua o latou maua ni faaseā i le mataupu lea ma pe iai foi ni lapataiga pe ua tatala foi se suesuega.
O le tagata faufautua tau femalagaa’iga e faamautu i Aukilani, Brandon Han ua ia ta’ua o agents o loo faamautu i fafo atu o Niu Sila, o agents o loo faatauina galuega nei o loo faatino lea tulaga ia mamao ese ma le ono aafia ai i le tulafono.
Saunoa ai le minisita o Femalagaa’iga, Erica Stanford i le vaiaso talu ai pe ā ma le 70 pasene le siitia o talosaga o asylum claims, i latou o loo tau sailia ni nofoaga mautu e aumau ai.
