Search
Search
Photo Credit: NZ Herald

Teena le apili a le Qantas; solitulafono le auala na faamalolo ai le 1700 o le aufaigaluega

Ua teena e le Faamasinoga Maualuga a Ausetalia le apili a le kamupani vaalele a le Qantas, ma o loo faatumauina ai pea o lea na solitulafono le auala na faatea ai le tusa ma le 1700 o lana aufaigaluega i taimi o le Koviti.

O le tausaga e 2021 na sau ai le faaiuga a le faamasinoga e lei sa’o le auala na faamuta ai galuega a le toatele o le aufaigaluega a le Qantas mai le silia ma le 11 malaevaalele, ae tuuina atu i isi pulega i lalo o faiga faakonekarate.

Na toe apili e le Qantas, peitai ua lē talia ma o lea ua toe foi ai nei le mataupu i le suesue pe fia tupe e toe totogiina atu i tagata galulue na aafia.

Mai le sui o le iuni o le auala na faamuta ai galuega a le 1700 o se faiga faasolitulafono ua tusia i talafaasolopito o Ausetalia ma e faitau miliona tupe o le a toe alu e totogi ai tagata faigaluega nei na faamalolo faasolitulafono.

O se mataupu e lē faigofie auā o lea na faamalolo le 1700 o le aufaigaluega, ae i le taimi lava foi lea na talia ai e le Qantas le $800 miliona tupe Ausetalia mai le malo e taumafai e laveai ai tagata faigaluega i taimi o le Koviti.

Tala sili ona faitaulia

FAATALATALANOAGA

TALA FOU MAI SAMOA

SAMOA UPDATE

PODCAST

Listen on

POLOKALAME A LEOLEO

Keep uptodate with Radio Samoa activity & promotion

* indicates required